शनिबार, ९ मंसिर, २०७४

शीर्ष वरीयताका कमल क्वार्टरफाइनलमा

पोखरा, भदौ २७ । कास्की जिल्ला टेनिस संघको आयोजनामा पोखरामा जारी एनआइसी एसिया बैंक नेपाल आइटीएफ सिनियर च्याम्पियनसिप टेनिस प्रतियोगिताअन्तर्गत् मंगलबार विभिन्न उमेर समूहका खेलहरु सम्पन्न भएका छन् ।

सर्किट १ अन्तर्गत् सम्पन्न खेलहरुमा ३५ वर्षमाथिको एकलतर्फ नेपालका शीर्ष वरीयताका खेलाडी कमल भण्डारी क्वार्टरफाइनलमा प्रवेश गरे ।

भण्डारीले निमा लामा शेर्पालाई ६–० र ६–१ को सहज सेटमा पराजित गर्दै अन्तिम आठमा स्थान बनाएका हुन् ।

त्यसैगरी, आइटीएफ शीर्ष स्थानमा रहेका भारतका दिलीप महंतीले नेपालका सिमान गुरुङलाई ६–१ र ६–० ले, भारतका कमलेश शुक्लाले नेपालका महेश श्रेष्ठलाई ६–१ र ६–२ ले तथा भारतकै स्वरणदीप सिंहले नेपालका सुरेशकुमार श्रेष्ठलाई ६–४ र ६–१ को सेटमा पराजित गर्दै क्वार्टरफाइनलमा ठाउँ बनाए ।

५५ वर्षमाथिको एकलमा नेपालका विष्णु गैरेलाई ६–४ र ६–० को सेटमा पराजित गर्दै भारतका वीएनएस नेगीले अन्तिम आठमा ठाउँ बनाए ।

त्यस्तै, भारतकै प्रदीपकुमार गुप्ताले उत्तमकुमार शेर्पालाई ६–४ र ६–३ ले, मनोजशम्शेर राणाले छेतन नोर्केललाई ६–१ र ६–१ ले, झ्याम्बा ढुण्डुपले भारतका नान्चाराई कोन्डिसेटीलाई ६–० र ६–१ मा, करिमुल्ला मुस्लिमले भारतकै अनिलकुमार कौशललाई र राजेन्द्रसिंह भण्डारीले बसन्त प्रधानलाई प्रतिस्पर्धात्मक खेलमा २–६, ६–१, ६–३ ले हराउँदै क्वार्टरफाइनमा स्थान पक्का गरे ।

४५ वर्षमाथिको एकलमा मनोजविक्रम शाहले नारायण पहारीलाई ६–१ र ६–२ ले पराजित गर्दै क्वार्टरफाइनलमा स्थान सुरक्षित पारे ।

त्यस्तै, फिन्ल्याण्डका पेक्का रन्तला पनि क्वार्टरफाइनलमा पुगेका छन् । पहिलो सेट ६–४ ले आफ्नो पक्षमा पारेका भारतीय खेलाडी आशिष परमार दोस्रो सेटमा घाइते भएपछि उनले ‘वाकओभर’ दिएका हुन् ।

सम्बन्धित सामग्री